jaukjeybanner

សារ៉ាយ សក្ខណា លក់​ផ្ទះ​កេរ​ប្តី​នៅ​អាមេរិក​តម្លៃ​រាប់​ម៉ឺន

ភ្នំពេញៈ ក្រោយ​ការ​វិល​ទៅ​អាមេរិក​វិញ ស្រាប់តែ​លេច​ចេញ​នូវ​ព័ត៌មាន​ដ៏ក្តៅ​ថា មុន​នឹង​តារាសម្តែង​ស្រស់​សោភា​នាង សារ៉ាយ សក្ខណា មក​ស្រុក​ខ្មែរ នាង​បាន​ប្រកាស​លក់​ផ្ទះ​កេរ​ប្តី​របស់​នាង​ដែល​មាន​តម្លៃ​រាប់​សិប​ម៉ឺន​ ដុល្លារ​ឯណោះ ហើយ​នៅពេល​ថ្មីៗ​នេះ ផ្ទះ​នោះ​បាន​លក់​ដាច់​ស្រេច​ហើយ។

តារាសម្តែង​សម្បុរ​ស្រអែម​នាង សារ៉ាយ សក្ខណា បាន​វិល​ទៅកាន់​ដែនដី​សហរដ្ឋអាមេរិក​វិញ​បាត់​ហើយ​កាលពី​យប់​ថ្ងៃ​ទី​ ៣ ធ្នូ ឆ្នាំ ​២០១៤​ កន្លងមក​នេះ ហើយ​ការ​វិល​វិញ​នេះ សារ៉ាយ សក្ខណា ហាក់​មាន​ការ​សប្បាយ​ចិត្ត​នៅពេល​ដែល​នាង​មក​ស្រុក​ខ្មែរ ហើយ​នៅ​តែ​ទទួល​បាន​ការ​គាំទ្រ ទោះបី​ជា​នាង​មាន​ប្តី និង​កូន​ក្នុង​ផ្ទៃ​ក៏ដោយ​។

ការ​ចេញ​ទៅ​រស់នៅ​សហរដ្ឋអាមេរិក​ក្រោយ​រៀបការ​រួច សារ៉ាយ សក្ខណា បាន​ចាកចេញ​ពី​ស្រុក​ខ្មែរ​ទៅ​រស់នៅ​រដ្ឋ​ឡូវែល សហរដ្ឋអាមេរិក ជា​ទី​ដែល​ផ្ទះ​ប្តី​របស់​នាង​នៅ​ទី​នោះ ប៉ុន្តែ​នៅពេល​នេះ សក្ខណា នឹង​ត្រូវ​ផ្លាស់​ទៅ​រស់នៅ​រដ្ឋ​វ៉ាស៊ីនតោន វិញ ក្រោយ​លក់​ផ្ទះ​កេរដំណែល​ប្តី​របស់​នាង​កាលពី​មុន​ពេល​រៀបការ។

ការ​លេច​ឡើង​នូវ​ព័ត៌មាន​ខាង​លើ​ដំណាល​នឹង​ការ​ចេញ​ដំណើរ​ទៅ​អាមេរិក​វិញ ​ជា​លើក​ទី​២​នេះ អ្នកស្រី សម្ផស្ស ម្តាយ សារ៉ាយ សក្ខណា បាន​និយាយ​ថា៖​«​សក្ខណា ទៅ​អាមេរិក​វិញ​បាត់​ហើយ តែ​ទៅ​ឡូវែល សិន គឺ​ទៅ​រៀបចំ​អីវ៉ាន់​ដើម្បី​រើ​ផ្ទះ ពី​ឡូវែល ទៅ​រដ្ឋ​វ៉ាស៊ីនតោន»។

អ្នកស្រី​បន្ត​ថា៖​«​រើ​ផ្ទះ​ទៅ​នៅ​វ៉ាស៊ីនតោន នោះ គឺ​ទៅ​រស់នៅ​ជាមួយ​ម្តាយ​ឪពុក​ក្មេក​របស់​នាង ពួកគាត់​ចាស់ៗ​អស់​ហើយ ហើយ សក្ខណា ទៅ​នោះ​ក៏​ស្រួល​ដែរ ព្រោះ​ពេល​នាង​កើត​កូន​អី​ស្រួល​មាន​ឪពុក​ម្តាយ​មើល​ថែ​»។

អ្នកស្រី សម្ផស្ស បាន​បញ្ជាក់​ថា ផ្ទះ​កេរ​ប្តី​របស់​នាង​បាន​លក់​ដាច់ស្រេច​កាលពី​ពេល​ថ្មីៗ​នេះ នៅក្នុង​អំឡុង​ពេល សក្ខណា កំពុង​មក​លេង​ស្រុក​ខ្មែរ ហើយ​ប្តី​របស់​នាង​ជា​អ្នកលក់ មិនមែន សក្ខណា ជា​អ្នក​លក់​នោះ​ទេ។ ប្រាក់​ដែល​បាន​ពី​ការ​លក់​ផ្ទះ​នោះ អ្នកស្រី​សម្ផស្ស មិន​ទាន់​ដឹង​ថា តើ​គ្រួសារ សក្ខណា នឹង​ត្រូវ​យក​ទៅ​ធ្វើអ្វី​នៅ​ឡើយ។

ទោះបី​ជា​មាន​ការ​លើក​ឡើង​ថា ផ្ទះ​ប្តី​របស់​នាង​លក់​បាន​ក្នុង​តម្លៃ​ប្រមាណ​ជាង​៣០​ម៉ឺន​ដុល្លារ ប៉ុន្តែ​នៅ​ពេល​សួរ​អ្នកស្រី សម្ផស្ស អ្នកស្រី​សុំ​មិន​បញ្ចេញ​ពី​ចំនួន​ទឹកប្រាក់​ច្បាស់លាស់​នោះ​ទេ។

អ្នកស្រី​និយាយ​ថា៖​«​រឿង​គេ​លក់​បាន​ប៉ុន្មាន​កុំ​និយាយ​ល្អ​ជាង ហើយ​ពួកគេ​នឹង​ត្រូវ​ផ្លាស់​ការងារ​ទៅ​នៅ​វ៉ាស៊ីនតោន វិញ នៅពេល​ទៅ​រស់នៅ​ទីនោះ ទើប​ពួកគេ​អាច​ដឹង​ថា នឹង​ត្រូវ​ធ្វើអ្វី​បន្ត​ទៀត​»៕


តារាសម្តែង​នាង សារ៉ាយ សក្ខណា​

 

សុខ ស្រីនាង គេ​ទម្លាយ​រឿង​ចេញ​ចូល​ថៃ​ញឹកញាប់

ភ្នំពេញៈ ការ​វិល​ត្រឡប់​របស់​តារាចម្រៀង​នាង សុខ ពិសី ក្រោយ​ល្បី​ថា នាង​សម្ងំ​ពពោះ​នោះ បាន​ធ្វើឲ្យ​ប្រជាប្រិយ​តារា​ចំណូល​ថ្មី​របស់​ផលិតកម្ម​សាន់ដេ​នាង សុខ ស្រីនាង ធ្លាក់​ចុះ​មួយ​កម្រិត រហូត​មួយ​រយៈ​ចុង​ក្រោយ​នេះ គេ​បាន​បាត់​មុខ​នាង​តែ​ម្តង ស្រប​ពេល​ដែល​ទស្សនិកជន​មួយ​ចំនួន​លើក​ឡើង​ថា ពួកគេ​ឃើញ សុខ ស្រីនាង ឡើង​ចុះ​ប្រទេស​ថៃ​ជា​ញឹកញាប់។

ការ​លើក​ឡើង​ថា តារាចម្រៀង​សំនៀង​ពីរោះ​បែប​គ្រលរ​នាង សុខ ស្រីនាង ឧស្សាហ៍​ឡើង​ចុះ​ទៅ​មក​ប្រទេស​ថៃ​នេះ នាំឲ្យ​មាន​ការ​សង្ស័យ​ថា ទំនង​តារា​រូប​នេះ​មាន​ទំនាក់ទំនង​ស្នេហា​លាក់បាំង​ណា​មួយ​មិន​ចង់​ឲ្យ​គេ​ មើល​ឃើញ​មិន​ខាន ខណៈ​រូប​នាង​ក៏​បាន​ផ្តាច់​ទំនាក់ទំនង​ទាំង​ស្រុង​ពី​អតីត​ស្វាមី​អស់​ រយៈពេល​ជាច្រើន​ឆ្នាំ ហើយ​នៅពេល​នេះ ស៊ីសុវត្ថិ ក៏​បាន​រៀបការ​ប្រពន្ធ​ថ្មី​បាត់​នោះ។ ប៉ុន្តែ​យ៉ាង​ណា​មិញ​ការ​លើក​ឡើង​នោះ​ត្រូវ​បាន សុខ ស្រីនាង បដិសេធ។

ទោះបី​ជីវិត​រស់នៅ​ស្ងប់ស្ងាត់ តែ​ការ​លេច​ចេញ​នូវ​ពាក្យ​ចចាមអារ៉ាម​មិន​អត់​ទាំង​ស្រុង​នោះ​ទេ ខណៈ​ក្រោយមក​គេ​បាន​និយាយ​នៅក្នុង​សិល្បៈ​ថា តារា​រូប​នេះ​បាន​បណ្តុះ​ភ្លើងស្នេហ៍​ជាមួយ​មន្ត្រី​យោធា​មាន​ទ្រព្យ​ ស្តុកស្តម្ភ​ម្នាក់ ដូច្នេះ​ទើប​នាំឲ្យ​មាន​ការ​សង្ស័យ​ថា ការ​ចេញ​ចូល​ប្រទេស​ថៃ​ញឹកញាប់​ជា​សញ្ញា​គេចវេះ​មិន​ចង់​ឲ្យ​គេ​ដឹងឮ​ច្រើន​ ពី​រឿង​ស្នេហា។

មាន​ការ​លើក​ឡើង​មួយ​ទៀត​ថា ការ​ចេញ​ចូល​ប្រទេស​ថៃ​នាំឲ្យ​បាត់​មុខ​យ៉ាងយូរ​នៅ​ផលិតកម្ម​នេះ បណ្តាល​មកពី​នាង​ចង់​ចំណាយ​ពេល​កែសម្ផស្ស​នៅ​ប្រទេស​ថៃ​ឲ្យ​កាន់តែ​ស្អាត​។ ប៉ុន្តែ ជុំវិញ​មន្ទិលសង្ស័យ​នៃ​ការ​ដក​ខ្លួន​មួយ​រយៈ​ពី​សិល្បៈ​នេះ ភ្នំពេញ ប៉ុស្តិ៍ មិន​អាច​ទាក់ទង​តារា​រូប​នេះ​សួរ​បញ្ជាក់​ឲ្យ​បាន​ច្បាស់​១០០​ភាគរយ​នោះ​ទេ​ កាលពី​ម្សិលមិញ ដោយសារ​ទូរស័ព្ទ​របស់​នាង​មិន​អាច​ទទួល​ការ​ហៅ​ចូល​បាន​។

ប៉ុន្តែ​មុន​នេះ សុខ ស្រីនាង ធ្លាប់​ធ្វើការ​បដិសេធ​១០០​ភាគរយ​ថា នាង​មិន​មាន​ស្នេហា​ជាមួយ​មន្ត្រី​យោធា​ដូច​គេ​និយាយ​នោះ​ទេ តែ​បើ​មាន​អ្នក​ច្បាស់​សូម​បង្ហាញ​មុខ​ឲ្យ​នាង​បាន​ស្គាល់​ផង។

ដោយឡែក​រឿង​ថា នាង​ចេញ​ចូល​ប្រទេស​ថៃ​ញឹកញាប់​នោះ ស្រីនាង បាន​ប្រាប់​សារព័ត៌មាន​ក្នុង​ស្រុក​ថា នោះ​ជា​ការ​យល់ច្រឡំ​រវាង​នាង និង​បងស្រី​នាង។ ស្រីនាង បាន​បញ្ជាក់​ថា អ្នក​ដែល​ឧស្សាហ៍​ចេញ​ចូល​ប្រទេស​ថៃ​នោះ​ជា​បងស្រី​របស់​នាង ដែល​ត្រូវ​ចេញ​ទៅ​យក​អីវ៉ាន់​នៅ​ថៃ ហើយ​រូប​នាង​បាត់​មុខ​នោះ​ក៏​ព្រោះ​តែ​រវល់​មើល​ហាង​ឲ្យ​បងស្រី។

នាង​បញ្ជាក់​បន្ថែម​ថា ដូច្នេះ​មាន​ន័យ​ថា រូបនាង​មិន​បាន​ចេញ​ទៅ​ណា​ដោយសារ​មាន​ស្នេហា ឬ​ក៏​ទៅ​កែសម្ផស្ស​ស្អី​នោះ​ទេ ពោល​គឺ​សម្រស់​នាង​នៅ​ធម្មជាតិ​ដដែល​៕

 

ឌុ​ច លីដា​ និយាយ​ពី​ការ​ថត​ស្រាត​នៅ​ក្នុង​រឿង​«​ស្បែក​គង់​»

ភ្នំពេញ ​៖ ​ខណៈ​ខ្សែភាពយន្ត​រឿង​«​ស្បែក​គង់​»​បាន ​បើក​ការ​ដាក់​បញ្ចាំង​នា​យប់​ថ្ងៃ​ទី​១៤ ខែ​សីហា ឆ្នាំ​២០១៤ ​​នេះ កញ្ញា ឌុ​ច លីដា តួឯក​ស្រី​ក្នុង​ខ្សែភាពយន្ត​នេះ​ត្រូវ​បាន​ទស្សនិកជន​ ជាច្រើន​ផ្ដោត​ការចាប់អារម្មណ៍​ខ្លាំង​ពោល​គឺ​ជាពិសេស​នោះ​ទាក់ទិន​លើ​ ការសម្ដែង​របស់​នាង​នៅ​ក្នុង​ឈុត​ឆាក​មួយ​ដែល​បានបង្ហាញ​នូវ​ភាព​អាក្រាត​ កាយ​ផ្នែក​ល្វែង​ខាងលើ​ចំ​ពីមុខ​តួឯក​ប្រុស​លោក អ៊ុន សុធា តែម្ដង។

នៅក្នុង​សន្និសីទ​សារព័ត៌មាន​មួយ​មុន​ការ​ដាក់​បញ្ចាំង​ខ្សែភាពយន្ត​រឿង​«​ស្បែក​គង់​»​ដែល ​បាន ធ្វើឡើង​កាលពីដើម​សប្ដាហ៍​នេះ​នៅ​ឯ​សណ្ឋាគារ​សូ​ហ្វ៊ី​តែ​ល​ភូ​គី​ត្រា​ ភ្នំពេញ​នោះ កញ្ញា ឌុ​ច លីដា បាន​និយាយ​ឲ្យ​ដឹងថា ទាក់ទិន​នឹង​ឈុត​ឆាក​មួយ​នៅក្នុង​ខ្សែភាពយន្ត​ខ្មែរ​រឿង « ស្បែក​គង់ » ដែល បង្ហាញ​ពី​ភាព​អាក្រាតកាយ​នៅ​ផ្នែក​ល្វែង​ខាងលើ​របស់​នាង​នៅក្នុង​ទឹក​នៅ​ចំ ​ពីមុខ​តួឯក​ប្រុស លោក អ៊ុន សុធា នោះ​មិនមែន​ជាការ​អាក្រាតកាយ​ទាំងស្រុង​នោះ​ទេ ពោល​គឺ​ឈុត​ឆាក​នេះ​នាង​បាន សម្ដែង​ដោយ​បាន​ដោះ​សម្លៀក​បំពាក់​ចេញ​ត្រឹមតែ​ផ្នែក​ខាង​ខ្នង​ប៉ុណ្ណោះ ចំណែក​ឯ​នៅ​ផ្នែក​ខាងមុខ វិញ​នោះ​គឺ​មាន​ការ​បិទបាំង​តាមរយៈ​បច្ចេកទេស និង​ជំនាញ​របស់​អ្នក​រៀបចំ​តុបតែង​ខ្លួន​សម្រាប់​តួ សម្ដែង។

កញ្ញា ឌុ​ច លីដា ក៏​បានបញ្ជាក់​ឲ្យ​ដឹង​ដែរ​ថា នាង​មិនបាន​អាក្រាត​កាយ​ដោយ​មិន​ស្លៀកពាក់ អ្វី​បិទបាំង​នៅ​ចំពោះមុខ​តារា​សម្តែង​ប្រុស លោក អ៊ុន សុធា នោះទេ ព្រោះ​នៅក្នុង​ឈុត​សម្ដែង​នេះ ខ្លួនប្រាណ​របស់​នាង​ក៏​មាន​ការជួយ​បិទបាំង​នូវ​ផ្នែក​ខាងមុខ​តាមរយៈ​ជំនាញ​ របស់​អ្នក​រៀបចំ​ខ្លួន និង បច្ចេកទេស​ផងដែរ​។ នាង​បាន​បង្ហើប​ថា នៅក្នុង​ឈុត​ឆាក​សម្ដែង​នេះ​ខ្លួន​នាង​គឺ​ប្រៀប​ដូច​ទៅនឹង​ការ​ស្លៀកពាក់​ រ៉ូ​ប​ដែលមាន​ការ​បិទបាំង​ពី​ខាងមុខ​ហើយ​ចំហ​នៅ​ផ្នែក​ខ្នង​យ៉ាង​ដូច្នោះ​ អ៊ីចឹង​។

នៅ​ មុនពេល​សម្ដែង​ក្នុង​ឈុត​ឆាក​នេះ នាង​និយាយ​ថា នាង​បាន​ដកឃ្លា​ដើម្បី​ពិភាក្សា​ជាមួយ​អ្នកគ្រប់គ្រង​ការផលិត និង​ក្រុម​គ្រួសារ​របស់​នាង​ដែរ​អំពី​បញ្ហា​សម្រាប់​នាង​នៅ​ពេល​ខ្សែភាពយន្ត ​នេះ បាន​ដាក់​បញ្ចាំង។ ដោយសារ​មាន​ជំនួយ​បច្ចេកទេស​សម្រាប់​ឈុត​សម្ដែង​នេះ​មិន​ធ្វើ​ឲ្យ​មាន​ផល​ ប៉ះពាល់​ខ្លាំង​នោះ​ទើប​នាង​សម្រេចចិត្ត​សម្ដែង​ហើយ​នាង​ក៏បាន​ស្នើ ​ឲ្យ​ទស្សនិកជន​កុំ​មានការ​ថ្នាំងថ្នាក់ នឹង​ឈុត​អាក្រាត​កាយ​របស់​នាង​នេះ​ផងដែរ ព្រោះ​វា​មិនមែន​ជា​ឈុត​អាក្រាត​ទាំងស្រុង​ទេ​ព្រោះ​វា គ្រាន់តែ​ជា​ឈុត​សម្ដែង​មួយ​មាន​អ្នកបច្ចេកទេស​ជំនួយ​នៅ​ពីក្រោយ​ប៉ុណ្ណោះ។

ឆ្លើយតប ​នឹង​សំណួរ​ថា តើ​ការ​ហ៊ាន​ថត​ឈុត​អាក្រាត​នេះ​ជា​ថ្នូរ​នឹង​ភាព​ល្បីឈ្មោះ រួម​នឹង​ការទទួលបាន​នូវ​តម្លៃ​ខ្លួន​ខ្ពស់ ឬ​យ៉ាងណា​នោះ តារា​សម្ដែង​ដែលជា​អតីត​ម្ចាស់​ជ័យលាភី Spy Supper Model ឆ្នាំ ២០០៩ រូបនេះ​និយាយ​ថា នេះ​គឺជា​សិល្បៈ​នៃ​ការសម្ដែង​ពោលគឺ​វា​មិនមែនជា​ថ្នូរ​នឹង​ភាពល្បីល្បាញ​ អ្វី​ឡើយ​។ ដោយឡែក​ទាក់ទង​នឹង​ប្រាក់ចំណូល​ទទួលបាន​ពី​ការសម្ដែង​នៅក្នុង​ខ្សែ​ភាព យន្ត​មួយ​នេះ​វិញ​នោះ កញ្ញា ឌុ​ច លីដា សុំ​មិន​បង្ហើប​ឲ្យដឹង​នោះទេ តែ​នាង​បាន​បង្ហើប​ថា តម្លៃ​ខ្លួន សម្រាប់​ការសម្ដែង​ក្នុង​រឿងនេះ​គឺ​នាង​ទទួល​លើសពី​ការសម្ដែង​ឲ្យ​ផលិតកម្ម​ ដទៃ​កន្លងមក​ទ្វេ​ដង។

សូមបញ្ជាក់​ឲ្យ​ដឹង​ដែរ​ថា នៅក្នុង​ខ្សែភាពយន្ត​ខ្មែរ​ខ្នាត​ធំ​រឿង «​ស្បែក​គង់​»​នេះ កញ្ញា ឌុ​ច លីដា បាន​សម្ដែង​ជា​តួឯក​ជាមួយ​លោក ញ៉ែម សុគន្ធ លោក អ៊ុន សុធា អ្នកនាង ច​ន ច័ន្ទ​លក្ខិណា និង​តារា​ជាច្រើន​ដួង​ទៀត​ដោយ​រឿង​នេះ​ក៏​បាន​ដាក់​បញ្ចាំង​តាម​រោងភាពយន្ត​ នានា​នៅ​ក្នុង​ប្រទេស​ចាប់ពី​ថ្ងៃទី ១៤ ខែសីហា ឆ្នាំ​២០១៤នេះ​​​​តទៅ៕

កាកា បដិសេធរឿងឈឺចាប់ ព្រោះប្រុសស្នេហ៍បោះបង់ចោល

ភ្នំពេញ៖ តារាសម្តែងស្រីវ័យក្មេង ភក្រ្តាពោរពេញដោយមន្តស្នេហ៍ កញ្ញា កាកា មុននេះបន្តិច ត្រូវបានគេប្រទះឃើញ នាងសរសេរសារបង្ហោះ បង្កប់អត្ថន័យឈឺចាប់ ព្រោះតែស្នេហា ខណៈបុរសជាសង្សារ បានចាកចោលឆ្ងាយទុកឲ្យនាងរស់នៅឯកា។ ប៉ុន្តែដំណឹងនេះ ត្រូវបាន កាកា ចេញមុខបដិសេធ និងច្រានចោលថា ពុំមែនជារឿងពិត របស់នាងនោះទេ។

អាន​បន្ត៖ កាកា បដិសេធរឿងឈឺចាប់ ព្រោះប្រុសស្នេហ៍បោះបង់ចោល

សុខ ពិសី បដិសេធប្រជែង យកតំណែង ឱក សុគន្ធកញ្ញា

ភ្នំពេញៈ ក្រោយពីតារាចម្រៀងស្រីល្បី ឈ្មោះ កញ្ញា សុខ ពិសី បានចុះកុងត្រា ថតស្ពតពាណិជ្ជកម្ម ឲ្យទឹកផ្លែឈើ Cham Cham រួចរាល់មិនទាន់បានដាក់បញ្ចាំងស្ពត នៅលើកញ្ចក់ទូរទស្សន៍ផង តារាស្រីរូបនេះ ក៏ត្រូវជំពប់នឹងការរិះគន់ថា នាងប្រជែងឆក់យក តំណែងពីតារាចម្រៀង លេចធ្លោប្រចាំផលិតកម្មហង្សមាស កញ្ញា ឱក សុគន្ធកញ្ញា ព្រោះនាងជាតារាសម្ដែងក្នុងស្ពតពាណិជ្ជកម្មនេះ ។ ប៉ុន្តែទាក់ទងនឹងព័ត៌មាននេះ ត្រូវបានស្រីស្អាតសំឡេងស្រទន់ សុខ ពិសី ចេញមុខបដិសេធ ភ្លាមៗថាជារឿងមិនពិត ។

អាន​បន្ត៖ សុខ ពិសី បដិសេធប្រជែង យកតំណែង ឱក សុគន្ធកញ្ញា

អត្ថបទផ្សេងៗ

ថ្ងៃនេះ
ម្សិលមិញ
សរុប
697
700
4912502