jaukjeybanner

ធ្លាយព័ត៌មានសម្ងាត់៖ «ប្រទេសកូរ៉េខាងជើង បង្កើន​ចំនួន​ទ័ពដល់ ១.២៨​លាននាក់ ជាប់​លេខ ១ លើពិភពលោក!»

(សេអ៊ូល)៖ សៀវភៅសស្ដីពីវិស័យ​ការពារជាតិ​ឆ្នាំ២០១៦ ចុះផ្សាយ​នៅថ្ងៃអង្គារនេះ ​ដោយ​ក្រសួង​ការពារជាតិ​កូរ៉េខាងត្បូងបាន​ឱ្យដឹងថា ​កងទ័ព​កូរ៉េ​ខាងជើង​បច្ចុប្បន្នមានចំនួនសរុបប្រមាណជា ១.២៨លាននាក់ (ជាប់លេខ ១ លើពិភពលោកគិតពីចំនួនកងទ័ព និងលេខ ៤ លើឥទ្ធិពលយោធា) ដោយ​កើនឡើង ៨០,០០០នាក់បន្ថែមក្នុងរយៈពេលពីរឆ្នាំ។ នេះបើ​តាមការ​ចេញ​ផ្សាយ​ដោយ​ទីភ្នាក់ងារ​សារព័ត៌មាន​យ៉ុនហាប់ នៅថ្ងៃអង្គារ ទី១០ ខែមករា ឆ្នាំ២០១៧។

សៀវភៅស​នេះដដែលបានបញ្ជាក់ទៀតថា កូរ៉េខាងជើង​បានបង្កើន​ចំនួន​កងទ័ព​ថ្មើរជើងពី ១.០២នាក់ដល់ ១.១០លាននាក់ ខណៈកងទ័ពអាកាស​ហាក់​ដូចជា​ត្រូវបាន​កាត់បន្ថយ​ពី ១២០,០០០នាក់មកនៅត្រឹម ១១០,០០០នាក់រីឯកងទ័ពជើង​ទឹក​មិនមាន​ការប្រែប្រួលនោះទេ​គឺនៅចំនួន​ដដែល ៦០,០០០នាក់ ហើយ​នៅរយៈពេល​ប៉ុន្មាន​ឆ្នាំ​ចុងក្រោយ​នេះ​របបដឹកនាំលោក គីម ជុងអ៊ុន បានបង្កើត​អង្គភាព​យោធា​ថ្មីពីរដែល​ទទួល​បន្ទុកដឹកនាំ​វិស្វកម្ម​យោធា និងការ​សាងសង់​ផ្លូវថ្នល់។

ដោយឡែក​ពាក់ព័ន្ធ​នឹង​សមត្ថភាព​នុយក្លេអ៊ែរ សៀវភៅសនេះបាន​គូសបញ្ជាក់​ថា​កូរ៉េខាងជើង​មាន​សារធាតុ​ភ្លុយតូ​នីញ៉ូម​ប្រមាណ​ជា ៥០គីឡូក្រាម ដោយ​កើន​ឡើង ១០គីឡូក្រាមបើធៀប​ទៅនឹង​ឆ្នាំ២០០៨ ក៏ប៉ុន្តែ​ការប៉ាន់​ប្រមាណ​ពី​បរិមាណ​ជាក់លាក់ មិនទាន់​អាច​ត្រូវបានគេបញ្ជាក់​ឱ្យ​ច្បាស់លាស់​ឡើយ ដោយ សារ​តែការ​ចម្រាញ់​សារធាតុ​ភ្លុយតូ​នីញ៉ូម និងអ៊ុយរ៉ាញ៉ូម​ធ្វើឡើង​ជា​សម្ងាត់៕

 

ហាមមិនស្ដាប់! នាវាពិឃាដអាមេរិក USS Mahan បាញ់ ៣គ្រាប់ ព្រមាន នាវា​ល្បាតអ៊ីរ៉ង់

(វ៉ាស៊ីនតោន)៖ នាវាពិឃាដអាមេរិក USS Mahan បានបាញ់ព្រមានចំនួនបីគ្រាប់សំដៅ ទៅរកនាវាល្បាតអ៊ីរ៉ង់បួនគ្រឿង បន្ទាប់ពីនាវាល្បាតទាំងនេះ បានបង្កើនល្បឿនកាន់តែលឿន ដោយមិនស្ដាប់ការព្រមាន ឆ្ពោះមកក្បែរនាវាពិឃាដអាមេរិក នៅក្នុងតំបន់ច្រក សមុទ្រ Hormuz នៃឈូងសមុទ្រពែរ៍ នៅថ្ងៃអាទិត្យ ម្សិលមិញ។ នេះបើតាមមន្ត្រីក្រសួងការពារអាមេរិកពីរនាក់ ថ្លែងប្រាប់ទីភ្នាក់ងារសារព័ត៌មាន Reuters នៅព្រលប់ថ្ងៃទី០៩ ខែមករា ឆ្នាំ២០១៧។

មន្ត្រីទាំងពីររូបខាងលើដែលថ្លែងប្រាប់ Reuters ក្នុងលក្ខខណ្ឌមិនបញ្ចេញឈ្មោះឲ្យដឹងថា នាវាពិឃាដអាមេរិក USS Mahan បានទំនាក់ទំនងជាមួយនាវាល្បាតអ៊ីរ៉ង់ តាមរយៈវិទ្យុទាក់ទង ក៏ប៉ុន្តែនាវាល្បាតទំាងបួនគ្រឿងរបស់ឆ្មាំអ៊ីរ៉ង់ មិនបានឆ្លើយតប ទៅនឹងការស្នើសុំឱ្យបន្ថយល្បឿននោះទេ តែផ្ទុយទៅវិញកាន់តែបង្កើនល្បឿនមកជិតនាវា USS Mahan ក្នុងចំងាយប្រហែលជា៨០០ម៉ែត្រ ជាហេតុបង្ខំឱ្យនាវាពិឃាដនេះ សម្រេចចិត្តបាញ់ព្រមានចំនួនបីគ្រាប់ ហើយឧទ្ធម្ភាគចក្រ នៃកងម៉ារីនអាមេរិក ក៏បានគម្រាមថានឹងបាញ់ផងដែរបើសិននៅតែចូលមកជិត។ ដោយឡែកខាងភាគីអ៊ីរ៉ង មិនទាន់ធ្វើការអត្ថាធិប្បាយណា មួយនៅឡើយទេ ជុំវិញការអះអាងនេះ។

គួររំលឹកថា ករណីស្រដៀងគ្នានេះក៏ធ្លាប់បានកើតឡើង កាលពីខែសីហា ឆ្នាំ២០១៦ ដោយនៅកាលណោះ កងម៉ារីនអាមេរិក ក៏បានបាញ់ព្រមាននាវាល្បាតអ៊ីរ៉ង់ ដែលធ្វើដំណើរមកក្បែរនាវាអាមេរិកចំនួនពីរគ្រឿង ផងដែរ៕

 

នាវា​កម្សាន្ត​ធំ​ជាងគេ​បំផុត​លើ​ពិភពលោក​ដាក់​ចូល​ក្នុង​សមុទ្រ​ហើយ

មនុស្ស​ប្រមាណ​ជាង​៧០.០០០​នាក់ កាលពី​ថ្ងៃ​ទី​១៥ ឧសភា បាន​លើកគ្នា​មក​កាន់​មាត់សមុទ្រ ដើម្បី​ទស្សនាការ​ចាកចេញ​ដំណើរ​របស់​នាវា​យក្ស​មួយ ។

នាវា​កម្សាន្ត​ធំ​ជាងគេ​បំផុត​លើ​ពិភពលោក​នេះ​គឺ​នាវា HARMONY-OF-THE SEAS បាន​ចាក​ចេញពី SAINT NAZAIRE ទៅ​កាន់​កំពង់​ផែ SOUTHAMPTON ប្រទេស​អង់គ្លេស ។ នាវា​នេះ​កសាង​នៅ​កំពង់​ផែ SAINT-NAZAIRE ក្នុង​ការដ្ឋាន​នាវា STX FRANCE​។ ជួយ​ដោយ​នាវា​សណ្តោង​២​គ្រឿង នាវា​យក្ស​សមុទ្រ​នេះ​បាន​ចាក​ចេញពី​ទីនោះ​ទៅ​កាន់​មហាសមុទ្រ អម​ដោយ​នាវា​គ្រប់​ប្រភេទ​ជា​ច្រើន​សិប​គ្រឿង ។ នាវា HARMONY-OF-THE-SEAS បាន​ចាក​ចេញពី​កំពង់​ផែ​ជា​ការដ្ឋាន​ដោយ​ស្ងាត់ស្ងៀម ហើយ​បណ្តា​អ្នក​ទស្សនា​បាន​លើ​គ្រវី​កូនកន្សែង​ពណ៌​ស ឬ​នាំ​គ្នា​ថតរូប​នាវា​នេះ ។

ការដ្ឋាន​នាវា STX FRANCE បាន​ទិញ​កុងត្រា​កសាង​នាវា​នេះ​កាលពី​ខែធ្នូ ឆ្នាំ​២០១២ ដែល​មាន​ទឹកប្រាក់​១​ពាន់​លាន​អឺ​រ៉ូ ។ ជា​ផ្លូវការ​នាវា​យក្ស​នេះ​ត្រូវ​ប្រគល់​នា​ថ្ងៃ​ទី​១២ ឧសភា ឱ្យ​ម្ចាស់​គឺ​ក្រុមហ៊ុន​អា​មេ​រិ​ក ROYAL LARIBBEAN INTERNATIONAL (RCI) ជា​សាខា​មួយ​របស់​ក្រុមហ៊ុន RCCL ដែល​ធ្វើ​អាជីវកម្ម​រួច​ហើយ​នូវ​នាវា​កម្សាន្ត​ធំ​ៗ២៤​គ្រឿង​លើ​ពិភពលោក ។

នាវា HARMONY-OF-THE-SEAS មាន​ប្រវែង​៣៦២​ម៉ែត្រ និង​ទទឹង​៦៦​ម៉ែត្រ វា​ជានា​វា​ដ៏​ធំ​មាន​កម្ពស់​ស្មើ​អគារ​២០​ជាន់​មួយ ៕

ទឹកចិត្ត និងស្មារតី លីកាស៊ីង

“ប្រហែលការប្រកាន់សច្ចៈ និងកិត្តិយសមាចតម្លៃជាងការរក្សាទុកមាសប្រាក់ គឺជាគន្លឹះមួយ ដែលធ្វើឲ្យ លី កាស៊ីងដែលជាជនក្រីក្រម្នាក់ ក្លាយជាម្នាក់ក្នុងចំណោមកំពូលអ្នកមានបំផុតប៉ុន្មាននាក់នៅអាស៊ី។”

          លី កាស៊ីង កើតក្នុងឆ្នាំ1928 នៅតំបន់ឆាវចូវក្នុងប្រទេសចិនដីគោក។ គាត់គឺជនចំណាកស្រុកដ៏ក្រតោកយ៉ាកមកពីចិនចូលហុងកុង ប្រកបរបរចិញ្ចឹមជីវិតដោយស៊ីឈ្នួល លក់ផ្កាជ័រតាំងពីទសវត្សឆ្នាំ40។ បន្ទាប់ពីតស៊ូរាប់សិបឆ្នាំលោកលី ក្លាយជាអ្នកមានបំផុតទី២នៅអាស៊ីជាមួយទ្រព្យសម្បត្តិដល់ទៅ31,5ពាន់លានដុល្លារអាមេរិក (ត្រឹមខែមេសា 2015) ហើយគាត់ក៏ស្ថិតក្នុងបញ្ជីបុរសមានអំណាចបំផុតនៅអាស៊ីផងដែរ។ ប្រជាជនហុងកុង ហៅលោក លី ថា “ជនអច្ឆរិយៈ”។

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 1.

          (លី កាស៊ីងអ្នកមានបំផុតទី២ នៅអាស៊ី)

          ទោះជាមានទ្រព្យគរដូចភ្នំ តែម្ចាស់ក្រុមហ៊ុន និង លី កាស៊ីង ប្រកាន់យករបៀបសាមញ្ញៗក្នុងការរស់នៅ។ លោក លី មិនត្រឹមតែប៉ិនប្រសប់ជាងគេផ្នែកជំនួញប៉ុណ្ណោះទេ តែគាត់ពូកែខាងគ្រប់គ្រងស្ថានការណ៍និងដោះស្រាយបញ្ហាដោយវិចារណញ្ញាណថែមទៀត។

          នៅឆ្នាំ1996 កូនច្បងលោក លី គឺ លី ជៀកជឺ ត្រូវឧក្រិដ្ឋជនមួយក្រុមដឹកនាំដោយ ចាង ជឺស្យុងចាប់ជម្រិត។ ផ្នែកខ្លះនៃការតថ្លៃរវាងមហាសេដ្ឋី​ លី និងក្រុមឧក្រិដ្ឋជន ដែល នឹងបង្ហាញជូននៅខាងក្រោមនេះ នឹងនាំមកនូវចំណេះដឹងមានប្រយោជន៍ដល់អ្នកអាន។

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 2.

          (លី កាស៊ីង និង លី ជៀកជឺ)

          ប្រហែលម៉ោង6ល្ងាច ថ្ងៃ23 ឧសភា 1996 ក្រុមឧក្រិដ្ឋជនដឹកនាំដោយ ចាង ជឺស្យុង ឆ្នាំកំណើត 1955 នៅគ័ងស៊ី ចិនដីគោក បានចាប់ជម្រិតលី ជៀកជឺ។  ជននេះគឃ្លើនណាស់ គេបានម្ចាស់ការមកកាន់ភូមិគ្រឹះសេដ្ឋីលី ដើម្បីទារប្រាក់រំលោះ 2,000,000,000 ដុល្លារហុងកុង។

ក្នុងដំណើរទៅជួបសេដ្ឋីលី ឧក្រិដ្ឋជនចាង ជឺស្យុង រមែងទូរស័ព្ទទៅគម្រាមគាត់ដាច់ខាតហាមមិនឲ្យប្តឹងទៅនគរបាល។ អ្វីដោយចម្លែកគឺ អច្ឆរិយៈបុគ្គល មិនបានប្តឹងពិតមែន។

          ឃ្លាដំបូងដែលចាង ជឺស្យុង និយាយពេលជួបលោកសេដ្ឋីលី គឺ *លោកលី! លោកអញ្ជើញក្រុមប៉ូលីសដែលពួនសម្ងំក្នុងផ្ទះលោក ចេញមកទាំងអស់គ្នាទៅ*។

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 3.

          (ចាង ជឺស្យុង អានកំណត់ហេតុរបស់ប៉ូលីស)

          ស្តាប់រួចសេដ្ឋីលី ឆ្លើយបែបហីថា “ចំណាស់នេះហើយ ខ្ញុំមិនទាន់មានស្នាដៃអ្វីធំកំភួន ស្មើនឹងការប្រគល់ពាក្យសច្ចៈនោះទេ។ បើបងចាង មិនជឿ ខ្ញុំបើកទ្វារគ្រប់បន្ទប់ឲ្យមើល” តមកលោកលីនាំត្រកូលចាងដើរពិនិត្យមួយជុំភូមិគ្រឺះ។

          ក្រោយមកអ្នកទាំងពីរចូលចរចារគ្នានៅបន្ទប់ទទួលភ្ញៀវ។ លោកលី យល់ព្រមតាមការទាមទាររបស់ឧក្រិដ្ឋជន គ្រាន់តែតម្រូវឲ្យពួកវារក្សាសុវត្ថិភាពឲ្យកូនគាត់និងប្រគល់ឲ្យតែ 1,000,000,000​ដុល្លារហុងកុងសិន ហើយសន្យាថាឲ្យបង្គ្រប់តាមការព្រមព្រៀងគ្នា។.

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 4.

(ចាង បានចាញ់អស់លុយនៅម៉ាកាវ និងត្រូវចាប់ខ្លួនដោយបទល្មើសផ្សេងទៀត)

          ដោយស្ញប់ស្ញែងចំពោះអាកប្បកិរិយាលោកលី ជនត្រកូលចាង បានលែង លី ជៀកជឺ ដូចការសន្យារមែន។

          មុនពេលចាង ជឺស្យុងគេចខ្លួន លោកលី កាស៊ីង បានឲ្យឱវាទដល់គេថា "បងចាង អាចប្រើលុយនេះទិញភាគហ៊ុនក្រុមហ៊ុនខ្ញុំ។ ទីពីរអាចយកវាទៅវិនិយោគនៅបរទេស ឬខ្ចិលធ្វើអីយកវាដាក់ចូលធនាគារចាំយកការប្រាក់។ ទោះរបៀបណាក៏ដោយ ខ្ញុំធានាថាបងចាងអាចចាយបាន3តំណ។ កុំងប់នឹងល្បែងទៀតទៀតប្រយ័ត្នក្ររហាមគ្មានថ្ងៃសុខស្រួល។"

           តែចាងមិនស្តាប់ បានយកលុយនេះទៅលេងល្បែងនៅម៉ាកាវ ហើយចាញ់បោសគូទខោ។

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 5.

(ចាង ជឺស្យុងពេលត្រូវចាប់ខ្លួន)

         អ្វីដែលអស្ចារ្យ ក្រោយពេលចាញ់អស់លុយបានពីការជម្រិតកូនលោកលី។ ចាង ជឺស្យុងហ៊ានទូរស័ព្ទទៅលោក លី និយាយថា "លោកលី លុយបានពីរលោកខ្ញុំចាញ់ល្បែងអស់ហើយ! លោកឯងប្រាប់ខ្ញុំពីរបៀបឈ្នះល្បែងបានទេ?" លោកលីតប "បង្រៀនបងចាងឲ្យធ្វើមនុស្សល្អខ្ញុំចេះ។ បើបង្រៀនលេងល្បែងខ្ញុំមិនចេះទេ! បើចង់សុខត្រូវរត់ឲ្យឆ្ងាយពីហុងកុងនិងម៉ាកាវ បើពុំដូច្នោះបងចាងនឹងអាណោចអាធមហើយ"

         តែចាង ជឺស្យុងមិនស្តាប់។ ចាងត្រូវចាប់ខ្លួនដោយបទរត់ពន្ធអាវុធនិងចាប់ជម្រិតករណីផ្សេងទៀត ហើយត្រូវប្រហារជីវិតនៅអាយុ43ឆ្នាំ។

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 6.

(ចាង ស្តាប់សាលក្រមកាត់ទោសប្រហារជីវិត)

         អ្នកកាសែតសួរលោកលី *ហេតុអីលោកដោះស្រាយតាមបែបហ្នឹង? (មិនប្តឹងប៉ូលីស ឬភិតភ័យ)* លោកលីតប "កាលនោះការចរចាររវាងខ្ញុំនិងក្រុមលោកចាង ហើយខ្ញុំបានសន្យា ខ្ញុំត្រូវតែគោរព។ ម៉្យាងទៀតការដោះស្រាយស្ថានការណ៍ដោយតក់ក្រហល់ មិននឹងនរ គ្មានប្រយោជន៍ទេ។"

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 7.

Cuộc đối thoại kinh điển giữa tỷ phú giàu có hàng đầu châu Á Lý Gia Thành và kẻ bắt cóc con trai mình - Ảnh 8.

(ដោយសារការប្រកាន់ពាក្យសន្ចៈ បុរសនេះក្លាយជាអ្នកមានលេខ២នៅអាស៊ី)

         អ្នកកាសែតសួរថា "លោកខឹងស្អប់នឹងត្រកូលចាង ឬទេ?" លោកលីតបថា "ពេលអ្នកប្រឹងហួសកម្លាំង អ្នកសម្រាកមួយសំទុះនឹងមានកម្លាំង។ ពេលអ្នកចាយជ្រុលដៃ អ្នកត្រូវខំរកនិងសន្សំបន្តិចបានមកវិញហើយ តែបើអ្នកបាត់បង់ពាក្យសច្ចៈ និងកិត្តិយស ទោះចាយប្រាក់សន្ធឹកសន្ធាប់និងពេលវេលាវែងអន្លាយក៏មិនអាចរកបានវិញដែរ។

 

"ប្រភព៖ KENH14

បា​ឡែ​ន​27​ក្បាល​មក​ទើរ​នៅ​មាត់សមុទ្រ​ម៉ិចស៊ិក​នៅ​រស់​តែ​3​ក្បាល

ត្រី​បា​ឡែ​ន​២៧​ក្បាល​បាន​មក​ទើរ​នៅ​ឆ្នេរ​ខ្សាច់​មាត់សមុទ្រ​នា​ភាគ​ខាងជើង​ម៉ិចស៊ិក រួច​សល់​៣​ក្បាល​ប៉ុណ្ណោះ ដែល​នៅ​រស់ ។

ភ្នាក់ងារ​ការពារ​បរិស្ថាន​ម៉ិចស៊ិក​គូសបញ្ជាក់​កាលពី​ថ្ងៃ​ទី​១៥ ឧសភា ថា យើង​បាន​ខិតខំ​ពុះពារ​រយៈពេល​ដល់​ទៅ​១៥​ម៉ោង​ប៉ុនប៉ង​ជួយ​សង្គ្រោះ​ពួក​វា ។ ត្រី​បា​ឡែ​ន​ទាំងនេះ មក​ទើរ​លើ​ឆ្នេរ​ខ្សាច់​មាត់សមុទ្រ SAN FELIPE ក្រុង ENSENADA រដ្ឋ BASSE-CALIFORNIE ម៉ិចស៊ិក ។ រយៈពេល​ជិត​១៥​ម៉ោង​ពី​រសៀល​ថ្ងៃ​ទី​១៤ ដល់​ព្រឹក​ថ្ងៃ​ទី​១៥ ឧសភា បុគ្គលិក​របស់​ភ្នាក់ងារ​ការពារ​បរិស្ថាន ព្រមទាំង​កង​យោធា និង​ពួក​អ្នកនេសាទ​បាន​ប៉ុនប៉ង​នាំ​ត្រី​ទាំងនេះ​ទៅ​កាន់​ទឹក​ជ្រៅ ។ ក៏​ប៉ុន្តែ​ដោយសារ​ទឹកសមុទ្រ​នា​ជ​ខ្លាំង​នា​ពេល​ព្រឹក​ព្រលឹម រួច​បណ្តា​ត្រី​បា​ឡែ​ន​បន្ត​លើកគ្នា​ឆ្ពោះ​មក​មាត់ច្រាំង ត្រី​បា​ឡែ​ន​ធំ​តែ​២​ក្បាល និង​កូន​បា​ឡែ​ន​មួយ​ប៉ុណ្ណោះ អាច​ជួយ​សង្គ្រោះ ។

ក្នុង​សេចក្តី​ប្រកាស​មួយ​ភ្នាក់ងារ​ការពារ​បរិស្ថាន​ម៉ិចស៊ិក​និយាយ​ថា ពួក​ត្រី​បា​ឡែ​ន​ពុំ​ព្រមទៅ​ណា​បោះបង់​ចោល​ពួក​គ្នា​វា​ឡើយ ទោះបី​ដឹង​ថា​ត្រូវ​ងាប់​ក៏​ដោយ ។ អាជ្ញាធរ​បាន​សិក្សា​លើ​ហេតុផល​នៃ​ឧប្បត្តិ​ហេតុនេះ តែ​វាយតម្លៃ​ថា ពពួក​ត្រី​បា​ឡែ​ន​ទាំងនេះ​បាន​វង្វេងផ្លូវ ព្រោះ​ក្នុង​ចំណោម​ពួក​វា​ពុំ​មាន​ត្រី​ណាមួយ​មាន​ស្នាម​របួស ឬ​ស្នាម​ជាប់​សំណាញ់ ឬ​ឧបករណ៍​នេសាទ​ឯទៀត​ៗ ឬ​ក៏​ត្រូ​ងរ​ង​ការ​ប្រើ​ឧបករណ៍​ដែល​នាំ​ឱ្យ​មាន​ព្រឹត្តិការណ៍​បែប​នេះ​ឡើយ ៕

អត្ថបទផ្សេងៗ

ថ្ងៃនេះ
ម្សិលមិញ
សរុប
1735
2202
4537679