jaukjeybanner

លីវ​តឺហួរ​​មិន​ស្និទ្ធស្នាល​ និង​គ្មាន​​ជម្លោះ​ជាមួយ​​ទិនហ្វី​ទេ​ ​តែ​ជា​អ្នក​គាំទ្រ​ស្នា​ដៃ​ទិនហ្វី​​រហូត​មក​

តារា​ចម្រៀង​តារា​សម្ដែង​ លីវ​តឺហួរ បាន​ចេញ​មុខ​មក​ស្រាយ​និង​ទទួល​ស្គាល់​ថា ​​លោក​មិន​សូវ​ស្និទ្ធស្នាល​ជាមួយ​តារា​សម្ដែង​ចូវសិងឆឺ​ ហៅ​​ ​ទិនហ្វី​ ​ទេ​ តែ​ក៏​មិនមាន​បញ្ហា​ជាមួយ​គ្នា​ដូច​ជា​ពាក្យចចាមអារ៉ាម​ដែរ ​ម្យ៉ាង​ទៀត ​​លោក​ក៏​ជា​អ្នក​គាំទ្រ​ស្នាដៃ​តារា​កំប្លែង​រូប​នេះ​រហូត​មក​ដែរ។
      
ទំនាស់​​រវាង​ទិនហ្វី​ និង​​គូស្វាមី​ភរិយា​ ​ផលិតករ​ Charles Heung និង Tiffany chen កំពុង​តែផ្ទុះ​រឿង​​ក្ដៅ​គគុក​និង​មាន​អ្នក​សិល្បៈ​ជា​ច្រើន​​រូប​ពាក់​ព័ន្ធ។ នៅ​ពេល​លោក​ស្រី​ Tiffany ​​ផ្ដល់​ព័ត៌មាន​ថា ​​តារា​កំប្លែង​ទិនហ្វី​ជាមនុស្ស​ម្នាក់​ដែល​​ចូលចិត្ត​បង្ក​រឿង​រហូត​ស្ទើរ​ក្លាយ​ជា ​”ឆ្កែ​ត្របែក​ក្បាល​”​ នៅ​ក្នុង​រង្វង់​សិល្បៈ​ភាពយន្ត​ចិន​នោះ​ លីវតឺហួរ​ ក៏​ជា​បុគ្គល​ម្នាក់​ដែល​លោក​ស្រី​ផលិតករ​រូប​នេះ​អះអាង​ថា​ បាន​ធ្លាប់​និយាយ​ប្រាប់​គាត់​ថា​ លីវតឺហួរ ​មិន​ធ្លាប់​ជាមិត្ត​ជាមួយ​​ចូវសិងឆឺ ហើយ​ក៏​គ្មាន​ថ្ងៃ​អាច​នឹង​ក្លាយ​ជា​មិត្ត​ជាមួយ​តារា​កំប្លែង​មេ​បញ្ហា​រូប​នេះ​ដែរ។

ក្រោយ​ពី​ព័ត៌មាន​​បាន​​​​ក្លាយ​ជា​ទីចាប់អារម្មណ៍​របស់​សាធារណជន​ថា ​​មាន​រឿង​អ្វីកើត​ឡើង​រវាង​តារា​ទាំង​ពីរ​​រួច​មក​ ទីបំផុត​តារា​ចម្រៀង​មុខ​សង្ហា​ លីវតឺហួរ​ ​ទម្លាយ​រឿង​នេះ​​ជា​សាធារណៈ​ ខណៈ​រូប​លោក​ចូលរួម​សម្ពោធ​ភាពយន្ត​ឯកសារ​ “My Voice, My Life” ។ 


​លីវតឺហួរ​ បាន​​ធ្វើការ​បកស្រាយ​ពី​មន្សិល​សង្ស័យ​នានា​ជុំវិញ​បញ្ហា​​ផ្សេង​ៗ​ ​​ពិសេស​ចំណង​មិត្ត​ភាព​រវាង​រូប​លោក ​​និង​តារា​កំប្លែង​​​ទិនហ្វី​ដែល​ល្បី​ថា​​​ លោក​មិន​ធ្លាប់​និយាយ​ប្រាប់​អ្នក​ណា​ថា​​ ចូវសិងឆឺ​ មិន​មែន​ជាមិត្ត​លោក​ តែ​រឿង​ដែល​លោក​និយាយ​គឺ​ ​លោក​សៀង​ ​ជា​មិត្ត​មិត្ត​ភក្តិ​លោក​​ មិន​ថា​អតីតកាល ​បច្ចុប្បន្ន ឬ​អនាគត​ម្យ៉ាង​ទៀត​លោក​សៀង​ក៏​ជា​ថៅកែ​ដ៏​ល្អ​ម្នាក់​ ជួនកាល​​អ្នកស្រី​សៀង​អាច​នឹង​យល់​ខុស​ពី​ន័យ​សំដី​របស់​លោក។

ចំណែក​រឿង​ដែល​លេចឮ​ថា​លោក​និង​ចូវសិងឆឺ​​​ឈ្លោះ​គ្នា​រឿង​តម្លៃ​ខ្លួន​រហូត​ធ្វើ​ឱ្យ​​អ្នក​ទាំង​ពីរ​លែង​រួម​សម្ដែង​ជាមួយ​គ្នា​ទៀត​នោះ​លោក​បាន​បញ្ជាក់​ថា​ លោក​និង​ទិនហ្វី​ស្ទើរ​តែ​មាន​​ឱកាស​បាន​សម្ដែង​ជាមួយ​គ្នា​ទៀត​ប៉ុន្តែ​ដោយ​សារ​ខ្លឹមសារ​ក្នុងកិច្ច​សន្យា​មាន​ចំណុច​ខ្លះ​ដែល​តម្រូវ​ឱ្យ​​លោក​បដិសេធ​មិន​ទទួល​ថត​ តែ​អ្នក​ទាំង​ពីរ​គ្មាន​បញ្ហា​​អី​ជាមួយ​គ្នា​ទេ​ ប៉ុន្តែ​លោក​នៅ​តែ​អះអាង​ដដែល​ថា​បើ​សិន​មាន​ឱកាស​លោក​នឹង​រួម​ការងារ​ជាមួយ​ ចូវសិងឆឺ​ជាក់ជាមិន​ខាន​​៕​

អត្ថបទផ្សេងៗ

ថ្ងៃនេះ
ម្សិលមិញ
សរុប
2389
700
4914194